Thursday , September 24 2020
Breaking News

കൊറോണ: 24 മണിക്കൂറിനിടെ രാജ്യത്ത് 42 പുതിയ കേസുകള്‍, നാലുമരണം

ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ 42 പേര്‍ക്കു കൂടി കൊറോണ വൈറസ് ബാധ സ്ഥിരീകരിച്ചതായും നാലുപേര്‍ മരിച്ചതായും ആരോഗ്യമന്ത്രാലയം. ഇതോടെ ഇതോടെ രാജ്യത്തെ ആകെ കൊറോണ ബാധിതരുടെ എണ്ണം 649 ആയതായും ഡല്‍ഹിയില്‍ വാര്‍ത്താസമ്മേളനത്തില്‍ ആരോഗ്യമന്ത്രാലയം ജോയിന്റ് സെക്രട്ടറി ലവ് അഗര്‍വാള്‍ അറിയിച്ച.

കോവിഡ് രോഗികള്‍ക്കു മാത്രമായി ആശുപത്രികള്‍ സജ്ജമാക്കണമെന്ന കേന്ദ്ര ആരോഗ്യമന്ത്രാലയത്തിന്റെ അഭ്യര്‍ഥന പരിഗണിച്ച് 17 സംസ്ഥാനങ്ങള്‍ അത്തരം ആശുപത്രികള്‍ തയ്യാറാക്കിയതായും അദ്ദേഹം കൂട്ടിച്ചേര്‍ത്തു. കൊറോണ ബാധിതരുടെ എണ്ണത്തില്‍ വര്‍ധനയുണ്ടാകുന്നുണ്ട്. എന്നാല്‍ അത് വലിയതോതിലുള്ള വര്‍ധനവല്ല. ഇത് ആദ്യഘട്ടത്തിലെ ട്രെന്‍ഡ് ആണെന്നും ലവ് അഗര്‍വാള്‍ കൂട്ടിച്ചേര്‍ത്തു.

ഇന്ത്യയില്‍ ഇതിനോടകം 13പേര്‍ക്കാണ് കൊറോണ മൂലം ജീവന്‍ നഷ്ടമായത്. കൊറോണ വ്യാപനം തടയുന്നതിന്റെ ഭാഗമായി രാജ്യത്ത് ലോക്ക്ഡൗണ്‍ പ്രഖ്യാപിച്ചിരിക്കുകയാണ്. 21 ദിവസമാണ് ലോക്ക്ഡൗണ്‍. അതേസമയം ലോകത്ത് ഇതിനോടകം അഞ്ചുലക്ഷത്തോളം പേര്‍ക്കാണ് കൊറോണ ബാധിച്ചിട്ടുള്ളത്. 21,000 പേര്‍ക്കാണ് ജീവന്‍ നഷ്ടമായി.
ഏറ്റവും ഉയര്‍ന്ന മരണസംഖ്യ ഇറ്റലിയിലാണ്. 7503 പേരാണ് മരിച്ചത്. കൊറോണ അതിവേഗം പടരുന്ന സ്‌പെയിനില്‍ നാലായിരത്തിലധികം പേര്‍ക്കും ജീവന്‍ നഷ്ടമായി. അമേരിക്കയിലും ജര്‍മനിയിലും കൊറോണ അതിവേഗം പടര്‍ന്നുപിടിക്കുകയാണ്. കൊറോണവ്യാപനം തടയുന്നതിന്റെ ഭാഗമായി വിവിധരാജ്യങ്ങള്‍ ഏര്‍പ്പെടുത്തിയ യാത്രാവിലക്ക് ബാധിച്ചിരിക്കുന്നത്. 1.5 ബില്യന്‍ ജനങ്ങളെയാണ്.

RANDOM NEWS

ജില്ലയിലെ ആതുരശുശ്രൂഷാ രംഗത്തെ പ്രതിസന്ധി പരിഹരിക്കണം: ബി.ജെ.പി

കാസറഗോഡ്: കാസറഗോഡ് ജില്ല നേരിടുന്ന ആതുരശുശ്രൂഷാ രംഗത്തെ പ്രതിസന്ധി അടിയന്തിരമായി പരിഹരിക്കണമെന്ന് ബി.ജെ.പി.ജില്ലാ നേതൃയോഗം പ്രമേയത്തിലൂടെ സര്‍ക്കാരിനോടാവശ്യപ്പെട്ടു. കോവിഡ് രോഗബാധിതര്‍ …