Sunday , September 27 2020
Breaking News

പള്ളിക്കര പഞ്ചായത്തില്‍ ശനിയാഴ്ച മുതല്‍ സമ്പൂര്‍ണ്ണ ലോക്ഡൗണ്‍; ബേക്കല്‍ കോട്ടയില്‍ അടുത്ത 14 ദിവസം സന്ദര്‍ശകരെ അനുവദിക്കില്ല

കാസര്‍കോട് : പള്ളിക്കര ഗ്രാമപഞ്ചായത്തില്‍ അതിരൂക്ഷമായി പടര്‍ന്ന് പിടിക്കുന്ന കോവിഡ് വ്യാപനത്തിന്റെ പശ്ചാത്തലത്തില്‍ ഇന്ന് (08.08.2020) മുതല്‍ ഓഗസ്റ്റ് 16 വരെ പള്ളിക്കര ഗ്രാമപഞ്ചായത്തില്‍ സമ്പൂര്‍ണ്ണ ലോക്ഡൗണ്‍ നടപ്പിലാക്കും. കെ കുഞ്ഞിരാമന്‍ എം.എല്‍.എ.യുടെ സാന്നിധ്യത്തില്‍ ചേര്‍ന്ന പഞ്ചായത്ത് ജാഗ്രത സമിതിയുടേയും വ്യാപാര വ്യവസായികളുടേയും രാഷ്ട്രീയ കക്ഷി പ്രതിനിധികളുടെയും സംയുക്ത യോഗത്തിലാണ് തീരുമാനം. തിങ്കള്‍, വ്യാഴം എന്നീ ദിവസങ്ങളില്‍ മാത്രം അവശ്യ ഭക്ഷ്യവസ്തുക്കള്‍ വില്‍പ്പന നടത്തുന്ന കടകള്‍ രാവിലെ 10 മുതല്‍ വൈകുന്നേരം അഞ്ചുവരെ പ്രവര്‍ത്തിക്കാം. മത്സ്യവില്‍പ്പന പൂര്‍ണ്ണമായും നിരോധിച്ചു. അനാവശ്യമായ യാതൊരുവിധ യാത്രകളും അനുവദനീയമല്ല.

ബേക്കല്‍ കോട്ടയില്‍ അടുത്ത 14 ദിവസം സന്ദര്‍ശകരെ അനുവദിക്കില്ല

കോവിഡ് രോഗവ്യപനം ജില്ലയില്‍ രൂക്ഷമാകുന്ന സാഹചര്യത്തില്‍ ബേക്കല്‍കോട്ട അടക്കമുള്ള മറ്റൊരു പൊതുസ്ഥലത്തും അടുത്ത 14 ദിവസം സന്ദര്‍ശകരെ അനുവദിക്കില്ലെന്ന് ജില്ലാ കളക്ടര്‍ ഡോ ഡി സജിത് ബാബുവിന്റെ നേതൃത്വത്തില്‍ ചേര്‍ന്ന കോറോണ കോര്‍കമ്മിറ്റി യോഗം തീരുമാനിച്ചു.

സിഎഫ്എല്‍ടിസികളിലെ ചാര്‍ജ്ജ് ഓഫീസറായി അതത് നഗരസഭ,പഞ്ചായത്ത് ഘടകസ്ഥാപനങ്ങളിലെ ഏത് ജീവനക്കാരെ വേണമെങ്കിലും ബന്ധപ്പെട്ട തദ്ദേശസ്വയംഭരണ സ്ഥാപന മേധാവിക്ക് നിയോഗിക്കാമെന്ന് ജില്ലാകളക്ടര്‍ യോഗത്തില്‍ അറിയിയിച്ചു.അതല്ലാതെ മറ്റ് ഓഫീസുകളിലെ ജീവനക്കാരെ ആവശ്യമെങ്കില്‍ ജില്ലാകളക്ടറുടെ അനുമതി ലഭ്യമാക്കണം

RANDOM NEWS

സംസ്ഥാനത്ത് 7006 പേര്‍ക്ക് കൂടി കോവിഡ്

തിരുവനന്തപുരം : സംസ്ഥാനത്ത് ശനിയാഴ്ച 7006 പേര്‍ക്ക് കൂടി കോവിഡ്-19 സ്ഥിരീകരിച്ചു. തിരുവനന്തപുരം 1050, മലപ്പുറം 826, എറണാകുളം 729, …