Sunday , December 16 2018
Breaking News
Malabar

മലബാര്‍ എക്‌സ്പ്രസ് സമയമാറ്റം പിന്‍വലിക്കണമെന്നാവശ്യപ്പെട്ട് ഒപ്പുശേഖരണ കാമ്പയിന്‍

കാസര്‍കോട് : മലബാര്‍ എക്‌സ്പ്രസ് സമയമാറ്റം പിന്‍വലിക്കണമെന്നാവശ്യപ്പെട്ട് കാസര്‍കോട് റെയില്‍വേ സ്റ്റേഷന്‍ പരിസരത്ത് ഒപ്പു ശേഖരണ കാമ്പയിന്‍ സംഘടിപ്പിച്ചു. ജോയിന്റ് കൗണ്‍സില്‍, ഓള്‍ കേരള സ്‌കൂള്‍ ടീച്ചേഴ്‌സ് യൂണിയന്‍ (എ.കെ.എസ്.ടി.യു.) എന്നീ സര്‍വീസ് സംഘടനകളുടെ നേതൃത്വത്തിലാണ് തിങ്കളാഴ്ച വൈകിട്ട് ഒപ്പുശേഖരണം നടത്തിയത്. ജോയിന്റ് കൗണ്‍സില്‍ സംസ്ഥാന സെക്രട്ടേറിയറ്റംഗം നരേഷ്‌കുമാര്‍ കുന്നിയൂര്‍ പരിപാടി ഉദ്ഘാടനം ചെയ്തു.

ജില്ലയിലെ ജീവനക്കാരും അധ്യാപകരും വിദ്യാര്‍ഥികളും പൊതുജനങ്ങളും രാവിലെയുള്ള യാത്രയ്ക്കായി പ്രധാനമായും ഉപയോഗപ്പെടുത്തുന്ന വണ്ടിയാണ് മലബാര്‍ എക്‌സ്പ്രസ്. ഓഗസ്റ്റ് 15 മുതല്‍ ഇതിന്റെ സമയത്തില്‍ വരുത്തിയ മാറ്റം ജില്ലയിലേക്ക് ജോലിക്കുവരേണ്ടുന്ന യാത്രക്കാര്‍ക്ക് വലിയ തിരിച്ചടിയാണ് നല്‍കിയത്. രാവിലെ രണ്ടുമണിക്കൂര്‍നേരം തീവണ്ടിയില്ലാത്ത സാഹചര്യം ഉണ്ടായിരിക്കുന്നു. വ്യക്തമായ കാരണമൊന്നുംപറയാതെ റെയില്‍വേ വരുത്തിയിരിക്കുന്ന മാറ്റം എന്തിനാണെന്ന് ആര്‍ക്കുമറിയില്ല. അതിനുവേണ്ടിയാണ് ഈ ഒപ്പുശേഖരണമെന്ന് കണ്‍വീനര്‍ എന്‍.മണിരാജ്, ചെയര്‍മാന്‍ കെ.വിനോദ്കുമാര്‍ എന്നിവര്‍ അറിയിച്ചു.

RANDOM NEWS

K-M-Ahammed

കെ.എം. അഹ്മദ് അനുസ്മരണവും അവാര്‍ഡ് ദാനവും 17ന്

കാസര്‍കോട്: മാധ്യമ, സാഹിത്യ, സാംസ്‌കാരിക മേഖലകളില്‍ നിറഞ്ഞു നിന്നിരുന്ന കെ.എം. അഹമ്മദിന്റെ എട്ടാം വിയോഗ വാര്‍ഷികത്തോടനുബന്ധിച്ച് കാസര്‍കോട് പ്രസ്‌ക്ലബ്ബിന്റെയും കാസര്‍കോട് …