Monday , December 11 2017
Breaking News
KSRTCEA

മോട്ടോര്‍ വെഹിക്കിള്‍ ആക്ട് ഭേദഗതി ; സംയുക്ത ദേശീയ പ്രക്ഷോഭത്തില്‍ അണിചേരണം

കാസര്‍കോട് : മോട്ടോര്‍ വെഹിക്കിള്‍ ആക്ട് ഭേദഗതിക്കെതിരെയുള്ള സംയുക്ത ദേശീയ പ്രക്ഷോഭത്തില്‍ അണിചേരണമെന്നും കെഎസ്ആര്‍ടിസിയുടെ പുനരുദ്ധാരണ നടപടികള്‍ വേഗത്തിലാക്കണമെന്നും കെഎസ്ആര്‍ടിഇഎ (സിഐടിയു) ജില്ലാസമ്മേളനം ആവശ്യപ്പെട്ടു. കേന്ദ്രസര്‍ക്കാര്‍ പാസാക്കാനിരിക്കുന്ന മോട്ടോര്‍ വെഹിക്കിള്‍ ആക്ട് ഭേദഗതി ട്രാന്‍സ്‌പോര്‍ട്ട് കോര്‍പറേഷനുകളെ തകര്‍ക്കും. ആര്‍ടിസികള്‍ക്കുള്ള നിയമപരിരക്ഷ പൂര്‍ണമായി എടുത്തുകളയാനാണ് നിര്‍ദേശം. വന്‍കിട കുത്തകകള്‍ക്ക് റോഡ് ഗതാഗതം പണയപ്പെടുത്താനാണ് കേന്ദ്രസര്‍ക്കാര്‍ നീക്കം. ഇതിനെതിരായുള്ള സംയുക്ത ദേശീയ പ്രക്ഷോഭത്തില്‍ അണിചേരണമെന്ന് മുഴുവന്‍ ട്രാന്‍സ്‌പോര്‍ട്ട് തൊഴിലാളികളോടും സമ്മേളനം ആഹ്വാനം ചെയ്തു. കെഎസ്ആര്‍ടിസിയെ പുനരുദ്ധരിക്കാനുള്ള എല്‍ഡിഎഫ് സര്‍ക്കാരിന്റെ നടപടികള്‍ വേഗത്തിലാക്കണമെന്നും പദ്ധതി അട്ടിമറിക്കാനുള്ള മാനേജ്‌മെന്റിന്റെ തൊഴിലാളിവിരുദ്ധ ഉത്തരവുകള്‍ പുനഃപരിശോധിക്കണമെന്നും സമ്മേളനം ആവശ്യപ്പെട്ടു.

കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ സിഐടിയു സംസ്ഥാന വൈസ് പ്രസിഡന്റ് പി രാഘവന്‍ ഉദ്ഘാടനം ചെയ്തു. എം വി കുഞ്ഞിരാമന്‍ അധ്യക്ഷനായി. അസോസിയേഷന്‍ സംസ്ഥാന ജനറല്‍ സെക്രട്ടറി കെ സി ഹരികൃഷ്ണന്‍ കേന്ദ്ര റിപ്പോര്‍ട്ടും മോഹന്‍കുമാര്‍ പാടി പ്രവര്‍ത്തന റിപ്പോര്‍ട്ടും പി കുഞ്ഞിക്കണ്ണന്‍ വരവ്- ചെലവ് കണക്കും അവതരിപ്പിച്ചു. സിഐടിയു ജില്ലാ ജനറല്‍ സെക്രട്ടറി ടി കെ രാജന്‍, അസോസിയേഷന്‍ സംസ്ഥാനസെക്രട്ടറി എ മസ്താന്‍ഖാന്‍, ഓര്‍ഗനൈസിങ് സെക്രട്ടറി ടി ആര്‍ സുബ്രഹ്മണ്യന്‍, വൈസ് പ്രസിഡന്റ് എം ലക്ഷ്മണന്‍, എം സന്തോഷ്, കെ കുഞ്ഞിരാമന്‍, കെ ഗണേശന്‍, പി വി രതീശന്‍, എം എസ് കൃഷ്ണകുമാര്‍, സി ബാലകൃഷ്ണന്‍, കെ പ്രകാശന്‍, കെ ആര്‍ വിജു എന്നിവര്‍ സംസാരിച്ചു.

KSRTCEA
എം വി കുഞ്ഞിരാമന്‍ പ്രസിഡന്റ്, മോഹന്‍കുമാര്‍ പാടി സെക്രട്ടറി
കാസര്‍കോട് ; മുനിസിപ്പല്‍ കോണ്‍ഫറന്‍സ് ഹാളില്‍ നടന്ന കെഎസ്ആര്‍ടിഇഎ (സിഐടിയു) ജില്ലാസമ്മേളനം എം വി കുഞ്ഞിരാമനെ പ്രസിഡന്റായും മോഹന്‍കുമാര്‍ പാടിയെ സെക്രട്ടറിയായും പി കുഞ്ഞിക്കണ്ണനെ ട്രഷററായും തെരഞ്ഞെടുത്തു. മറ്റ് ഭാരവാഹികള്‍: കെ ഗണേശന്‍, കെ കുഞ്ഞിരാമന്‍, കെ ആര്‍ വിജു, കെ എം ബാലകൃഷ്ണന്‍ (വൈസ് പ്രസിഡന്റ്), എം സന്തോഷ്, പി വി രതീശന്‍, എം എസ് കൃഷ്ണകുമാര്‍, വി പ്രസാദ് (ജോയിന്റ് സെക്രട്ടറി).

Members

RANDOM NEWS

Manmohan-singh

പാക് പ്രസ്താവന; പ്രധാനമന്ത്രി മാപ്പുപറയണമെന്ന് മന്‍മോഹന്‍ സിംഗ്

ന്യൂഡല്‍ഹി: ഗുജറാത്ത് തിരഞ്ഞെടുപ്പില്‍ ബി.ജെ.പിയെ പരാജയപ്പെടുത്താന്‍ കോണ്‍ഗ്രസ് നേതാക്കള്‍ പാക് നേതാക്കളുമായി ചര്‍ച്ച നടത്തിയെന്ന പ്രസ്താവന പിന്‍വലിച്ച് പ്രധാനമന്ത്രി മാപ്പുപറയണമെന്ന് …