Sunday , September 27 2020
Breaking News

രാജ്യത്ത് കോവിഡ് ബാധിതരുടെ എണ്ണം ഒരു ലക്ഷം കടന്നു; ഒറ്റ ദിവസം രോഗം ബാധിച്ചത് 4970 പേര്‍ക്ക്

ന്യൂഡല്‍ഹി: ഇന്ത്യയില്‍ കോവിഡ് 19 ബാധിതരുടെ എണ്ണം ഒരു ലക്ഷം കടന്നു. കഴിഞ്ഞ 24 മണിക്കൂറിനിടെ 4970 പുതിയ കേസുകള്‍ റിപ്പോര്‍ട്ട് ചെയ്യപ്പെട്ടതോടെയാണ് ഇന്ത്യയിലെ രോഗബാധിതരുടെ എണ്ണത്തില്‍ കുതിച്ചുകയറ്റമുണ്ടായത്.

ഇതോടെ ആകെ കേസുകളുടെ എണ്ണം 1,01,139 ആയി. ഒറ്റ ദിവസത്തിനിടെ 134 പേരാണ് കോവിഡ് മൂലം മരിച്ചത്. ഇതോടെ രോഗം ബാധിച്ച് മരിച്ചവരുടെ എണ്ണം 3163 ആയി.

കോവിഡ് ബാധിച്ച് 58,803 പേരാണ് ഇപ്പോള്‍ രാജ്യത്ത് ചികിത്സയിലുള്ളത്. 39,173 പേര്‍ രോഗമുക്തി നേടി. 38.73 ശതമാനമാണ് ഇപ്പോള്‍ രോഗമുക്തി നിരക്ക്. മഹാരാഷ്ട്രയാണ് രാജ്യത്ത് ഏറ്റവും കൂടുതല്‍ പേര്‍ക്ക് കോവിഡ് സ്ഥിരീകരിച്ച സംസ്ഥാനം. 24 മണിക്കൂറിനിടെ 2005 പേര്‍ക്ക് രോഗം സ്ഥിരീകരിച്ചതോടെ രോഗബാധിതരുടെ എണ്ണം 35058 ആയി. 51 പേരാണ് രോഗം ബാധിച്ച് ഇന്നലെ മരിച്ചത്. ഇതോടെ സംസ്ഥാനത്ത് മരണസംഖ്യ 1249 ആയി..
മുംബൈ നഗരമാണ് രോഗബാധയില്‍ ഏറ്റവും കൂടുതല്‍ ആശങ്കയുയര്‍ത്തുന്നത്. മുംബൈയില്‍ മാത്രം രോഗികളുടെ എണ്ണം 22000 കടന്നിട്ടുണ്ട്. ധാരാവി ഉള്‍പ്പെടെയുള്ള ചേരികളില്‍ രോഗവ്യാപനത്തിന്റെ തോത് ഉയരുകയാണ്. മുംബൈയില്‍ ആയിരത്തിലധികം പോലീസുകാര്‍ക്ക് രോഗം ബാധിക്കുകയും 12 പോലീസുകാര്‍ മരിക്കുകയും ചെയ്ത സാഹചര്യത്തില്‍ നഗരത്തില്‍ അഞ്ച് കമ്പനി കേന്ദ്രസേനയെ വിന്യസിക്കും. സിഐഎസ്എഫ്, സിആര്‍പിഎഫ് സേനാവിഭാഗങ്ങള്‍ ഇന്ന് മുംബൈയില്‍ എത്തും.

RANDOM NEWS

ജില്ലാ ആശുപത്രിയെ തകര്‍ക്കുന്നത് സ്വകാര്യ ആശുപത്രികളെ സഹായിക്കാന്‍ : ബി.ജെ.പി

കാഞ്ഞങ്ങാട്: കൊറോണയുടെ പേര് പറഞ്ഞ് ജില്ലാ ആശുപത്രിയെ തകര്‍ക്കാന്‍ നോക്കുന്നത് സ്വകാര്യ ആശുപത്രികളെ സഹായിക്കാനാണെന്ന് ബി.ജെ.പി. ജില്ലാ ജനാല്‍ സെക്രട്ടറി …