Sunday , December 16 2018
Breaking News
Marannam

ചാല സ്വദേശി വീട്ടിനകത്ത് മരിച്ച നിലയില്‍

കാസര്‍കോട്: ചാല സ്വദേശിയെ വീട്ടിനകത്ത് മരിച്ച നിലയില്‍ കണ്ടെത്തി. വിദ്യാനഗര്‍ ചാലയിലെ മൗറിഷ് ടോറസ് (59) ആണ് മരിച്ചത്. തിങ്കളാഴ്ച രാവിലെ ജോലിക്കാരി ജെസിന്ത ഡിസൂസ എത്തിയപ്പോഴാണ് മൗറിഷ് ടോറസിനെ മരിച്ച നിലയില്‍ കണ്ടത്. രണ്ട് വര്‍ഷത്തോളമായി അര്‍ബുദ രോഗത്തെത്തുടര്‍ന്ന് ചികിത്സയിലായിരുന്നു. ഭാര്യ മാര്‍ഗരറ്റ് (57) ബ്രെയിന്‍ ട്യൂമര്‍ ബാധിച്ച് മംഗളൂരുവിലെ ആസ്പത്രിയില്‍ ചികിത്സയിലിരിക്കെ കഴിഞ്ഞ മാസം 14ന് മരിച്ചിരുന്നു. ഭാര്യയുടെ മരണശേഷം മൗറിഷ് തനിച്ചായിരുന്നു താമസിച്ചിരുന്നത്. മക്കളായ മജല്ല ടോറസ്, റുമില്ല ടോറസ് എന്നിവര്‍ കുടുംബസമേതം ദുബായിലാണ്. വര്‍ഷങ്ങളായി തെരുവത്ത് കുഷ്യന്‍ വര്‍ക്സ് നടത്തി വരികയായിരുന്നു മൗറിഷ്.

വിദ്യാനഗര്‍ പൊലീസ് ഇന്‍ക്വസ്റ്റ് നടത്തിയ ശേഷം മൃതദേഹം പോസ്റ്റുമോര്‍ട്ടത്തിനായി കാസര്‍കോട് ജനറല്‍ ആസ്പത്രിയിലേക്ക് മാറ്റി. ഉച്ചക്ക് ശേഷം റെയില്‍വെസ്റ്റേഷന്‍ റോഡിലുള്ള വ്യാകുല മാതാ ചര്‍ച്ചില്‍ സംസ്‌കരിക്കും. മരണവിവരമറിഞ്ഞ് ദുബായിലുണ്ടായിരുന്ന മക്കള്‍ ചൊവ്വാഴ്ച രാവിലെ നാട്ടിലെത്തി. റോഷന്‍ ഡിസൂസ, ഡിക്കേസ് പയസ് എന്നിവര്‍ മരുമക്കളാണ്

RANDOM NEWS

Archery

മികച്ച കായികതാരങ്ങളെ വാര്‍ത്തെടുക്കാന്‍ പൊതുവിദ്യാഭ്യാസ സ്ഥാപനങ്ങള്‍ക്ക് കഴിയണം: മന്ത്രി ഇ.ചന്ദ്രശേഖരന്‍

കുമ്പളപ്പള്ളി : മലയോര മേഖലയിലെ സര്‍ക്കാര്‍ വിദ്യാഭ്യാസ സ്ഥാപനങ്ങളെ എല്ലാവിധ സൗകര്യങ്ങളോടും ഉയര്‍ത്തികൊണ്ടുവരാനുള്ള ശ്രമമുണ്ടാകുമെന്നു റവന്യൂമന്ത്രി ഇ.ചന്ദ്രശേഖരന്‍. ജില്ലാ ആര്‍ച്ചറി …