Friday , November 22 2019
Breaking News

കാസര്‍കോട് സ്വദേശിയായ സബ് ഇന്‍സ്‌പെക്ടര്‍ മലപ്പുറത്ത് മരിച്ച നിലയില്‍

കാസര്‍കോട്: തളങ്കര തെരുവത്ത് ഹൊന്നമൂല സ്വദേശിയായ സബ് ഇന്‍സ്‌പെക്ടറെ മലപ്പുറം എം.എസ്.പി. ഫാമിലി ക്വാര്‍ട്ടേഴ്‌സിലെ താമസസ്ഥലത്ത് മരിച്ച നിലയില്‍ കണ്ടെത്തി. ആംഡ് പൊലീസ് സബ് ഇന്‍സ്‌പെക്ടറും ഹൊന്നമൂലയിലെ പരേതരായ നാരായണ പൂജാരിയുടെയും ലീലാവതിയുടെയും മകനുമായ കമലാക്ഷ(53)യാണ് മരിച്ചത്. ശനിയാഴ്ച വൈകിട്ട് ആറ് മണിയോടെ തൊട്ടടുത്ത് താമസിക്കുന്ന പൊലീസുകാരനാണ് കമലാക്ഷയെ കട്ടിലില്‍ മരിച്ച നിലയില്‍ കണ്ടത്. ഉടന്‍ മലപ്പുറം താലൂക്ക് ആസ്പത്രിയില്‍ എത്തിച്ച് മരണം സ്ഥിരീകരിക്കുകയായിരുന്നു. രക്ത സമ്മര്‍ദ്ദം കുറഞ്ഞതാണ് മരണ കാരണമെന്ന് കരുതുന്നു. പ്രമേഹത്തിനും അമിത രക്ത സമ്മര്‍ദ്ദത്തിനും നേരത്തെ ചികിത്സതേടിയിരുന്നു. 30നാണ് കമലാക്ഷ അവസാനമായി ഹൊന്നമൂലയിലെ വീട്ടില്‍ വന്ന് മടങ്ങിയത്. 12 ന് ബുധനാഴ്ച വീട്ടിലെത്തുമെന്ന് അറിയിച്ചിരുന്നു. അതിനിടയിലാണ് മരണം. അവിവാഹിതനാണ്. സഹോദരങ്ങള്‍: ജനാര്‍ദ്ദനന്‍, ശശികല, പത്മിനി, രഘുരാമ, തുളസി, സുരേഖ (അധ്യാപിക, ടൗണ്‍ യു.പി.സ്‌കൂള്‍), പരേതരായ രാജു, ദത്താത്രയ, ശരത് കുമാര്‍, മധുസൂദനന്‍. മരണ വിവരമറിഞ്ഞ് ബന്ധുക്കള്‍ മലപ്പുറത്തേക്ക് പോയിട്ടുണ്ട്. മൃതദേഹം രാത്രിയോടെ നാട്ടില്‍ കൊണ്ട് വന്ന് സംസ്‌കരിക്കും.

RANDOM NEWS

മിന്നലേറ്റ് വീടിന്റെ ഭിത്തികള്‍ തകര്‍ന്നു

പെരിയ : കല്യോട്ട് രാജീവ്ജി ക്ലബ് പ്രസിഡന്റ് കാട്ടുമാടത്തെ അനീഷ്‌കുമാറിന്റെ വീടിനു മിന്നലേറ്റു. ഭിത്തികള്‍ തകര്‍ന്നു. ബുധനാഴ്ച രാത്രിയാണു സംഭവം. …