Monday , February 19 2018
Breaking News
Deepavali

രാജ്യം ദീപാവലി ആഘോഷ നിറവില്‍

ന്യൂഡല്‍ഹി: ആഘോഷനിറവിലാണ് രാജ്യം. തിന്മയ്ക്കു മേല്‍ നന്മ നേടിയ വിജയത്തിന്റെ ഓര്‍മയില്‍ ദീപാവലി ആഘോഷത്തിന് രാജ്യം ഒരുങ്ങിക്കഴിഞ്ഞു.കേരളത്തില്‍ ബുധനാഴ്ചയാണ് ദീപാവലി ആഘോഷമെങ്കിലും ഉത്തരേന്ത്യയില്‍ ദീപാവലി നാളെയാണ് ആഘോഷിക്കുന്നത്. ഉത്തരേന്ത്യന്‍ സംസ്ഥാനങ്ങളില്‍ അഞ്ചു ദിവസം നീണ്ടു നില്‍ക്കുന്ന ആഘോഷമാണ് ദീപാവലി.

രാവണവധവും 14വര്‍ഷത്തെ വനവാസവും കഴിഞ്ഞെത്തിയ ശ്രീരാമനെ അയോധ്യയിലേക്ക് ദീപങ്ങള്‍ തെളിയിച്ച് സ്വീകരിച്ചതും, ശ്രീകൃഷ്ണന്‍ നരകാസുരനെ വധിച്ചതുമൊക്കെയായി ദീപാവലിയുടെ ഐതിഹ്യങ്ങള്‍ നിരവധി. ജൈനമതക്കാര്‍ മഹാവീരന്റെ നിര്‍വാണം നേടിയ ദിവസമായാണ് ദീപാവലി ദിനത്തെ അനുസ്മരിക്കുന്നത്.

രാവിനെ പകലാക്കി വീടുകളും മറ്റു സ്ഥാപനങ്ങളും ദീപങ്ങളാല്‍ അലങ്കരിച്ചും പടക്കംപൊട്ടിച്ചുമാണ് ആഘോഷം. ഉത്തരേന്ത്യന്‍ സംസ്ഥാനങ്ങളായ ഡല്‍ഹിയിലും പഞ്ചാബിലുംഇക്കുറി പടക്കം നിരോധിച്ചു. അന്തരീക്ഷ മലിനീകരണം കൂടിവരുന്നത് കണക്കിലെടുത്ത് സുപ്രീംകോടതിയാണ് നിരോധനം ഏര്‍പ്പെടുത്തിയത്. ജിഎസ്ടി നിലവില്‍ വന്നശേഷം വ്യാപാരം പൊതുവേ കുറവായിരുന്ന കച്ചവടക്കാര്‍ക്ക് നിരോധനം ഇരുട്ടടിയായി.

കുടുംബങ്ങളുടെ ഒത്തുചേരലും മധുരപലഹാരങ്ങള്‍ പങ്കുവയ്ക്കലുമായി ആഘോഷം ഏകതയുടെ പ്രതീകമാകും. ആഘോഷത്തിനിടെ ആക്രമണം ഉണ്ടായേക്കുമെന്ന മുന്നറിയിപ്പിനെ തുടര്‍ന്ന് രാജ്യത്ത് അതീവ ജാഗ്രതാ നിര്‍ദേശം പുറപ്പെടുവിച്ചു. ആളുകള്‍ കൂടുതലായി എത്തുന്ന സ്ഥലങ്ങളില്‍ സുരക്ഷ ശക്തമാക്കി.

RANDOM NEWS

BJO

വയോജനങ്ങളുടെ അവകാശങ്ങള്‍ സംരക്ഷിക്കാന്‍ സംസ്ഥാന സര്‍ക്കാര്‍ താല്‍പര്യമെടുക്കുന്നില്ലെന്ന് കെ രാമന്‍പിള്ള

കാസര്‍കോട് : വയോജനങ്ങളുടെ അവകാശങ്ങള്‍ സംരക്ഷിക്കാന്‍ സംസ്ഥാന സര്‍ക്കാര്‍ താല്‍പര്യമെടുക്കുന്നില്ലെന്ന് ബി.ജെ.പി മുന്‍ സംസ്ഥാന പ്രസിഡന്റും, ബി.ജെ.പി സീനിയര്‍ സിറ്റിസെന്‍ …