Tuesday , June 18 2019
Breaking News
Unnithan

കാസര്‍കോട്ട് ഉണ്ണിത്താന്‍ മുന്നേറുന്നു

കാസര്‍കോട്: കാസര്‍കോട് ലോക്സഭാ മണ്ഡലത്തില്‍ യു.ഡി.എഫ് സ്ഥാനാര്‍ത്ഥിക്ക് മേല്‍ക്കൈ. 76.71 ശതമാനം വോട്ടെണ്ണല്‍ പിന്നിട്ടപ്പോള്‍ രാജ്മോഹന്‍ ഉണ്ണിത്താന്‍ 22,977 വോട്ടിന്റെ ലീഡ്. ഉണ്ണിത്താന് 3,59,763 വോട്ടും കെ.പി. സതീഷ് ചന്ദ്രന് 3,36,786 വോട്ടും ലഭിച്ചു. എന്‍.ഡി.എയിലെ രവീശതന്ത്രി കുണ്ടാറിന് 1,41,489 വോട്ടുകള്‍ ലഭിച്ചു.ഉണ്ണിത്താന് 3,17,112 വോട്ടും കെ.പി. സതീഷ് ചന്ദ്രന് 2,87,837 വോട്ടും ലഭിച്ചു. എന്‍.ഡി.എയിലെ രവീശതന്ത്രി കുണ്ടാറിന് 1,27,953 വോട്ടുകള്‍ ലഭിച്ചു.ഇടക്ക് ഇടതുമുന്നണി സ്ഥാനാര്‍ത്ഥി കെ.പി സതീഷ് ചന്ദ്രന്‍ ഉണ്ണിത്താനെ മറികടന്ന് മുന്നേറിയിരുന്നെങ്കിലും അത് നിസാര വോട്ടുകള്‍ക്കായിരുന്നു. തൊട്ടുപിന്നാലെ വീണ്ടും ഉണ്ണിത്താന്‍ തന്നെ മുന്നേറുന്ന കാഴ്ചകളാണ് കണ്ടത്. കഴിഞ്ഞ തവണ സി.പി.എമ്മിലെ പി. കരുണാകരന്‍ 6000ത്തില്‍പരം വോട്ടുകള്‍ക്കാണ് വിജയിച്ചത്. ഇത്തവണ ഉണ്ണിത്താന്‍ വിജയിക്കുമെന്ന് വിവിധ എക്സിറ്റ് പോള്‍ ഫലങ്ങള്‍ പ്രവചിച്ചിരുന്നു. എന്നാല്‍ ഇപ്പോഴും ഇടത് കേന്ദ്രങ്ങള്‍ പ്രതീക്ഷ കൈവിടുന്നില്ല. വോട്ടെണ്ണല്‍ പൂര്‍ത്തിയാവുന്നതോടെ ഫലം തങ്ങള്‍ക്ക് അനുകൂലമാവുമെന്ന് എല്‍.ഡി.എഫ് അവകാശപ്പെടുമ്പോള്‍ ഉണ്ണിത്താന്റെ വിജയം ആഘോഷിക്കാനുള്ള ഒരുക്കത്തിലാണ് യു.ഡി.എഫ് പ്രവര്‍ത്തകര്‍.
കാസര്‍കോട് നിയോജക മണ്ഡലത്തില്‍ ഉണ്ണിത്താന്‍ കാല്‍ലക്ഷത്തിന് മുകളിലും മഞ്ചേശ്വരം മണ്ഡലത്തില്‍ 30000ത്തിനും ഉദുമയില്‍ പത്തായിരത്തോളം വോട്ടുകള്‍ക്കും എല്‍.ഡി.എഫിനേക്കാള്‍ മുന്നിട്ടുനില്‍ക്കുകയാണ്. മറ്റ് മണ്ഡലങ്ങളില്‍ എല്‍.ഡി.എഫിനാണ് ലീഡ്. പയ്യന്നൂര്‍ മണ്ഡലം എല്‍.ഡി.എഫിനെ പ്രതീക്ഷിച്ചതുപോലെ തുണച്ചപ്പോള്‍ കല്യാശേരിയിലടക്കം കാര്യമായ കുറവുണ്ടായി.

RANDOM NEWS

Quis

ജില്ലാതല ക്വിസ്സ് : കയ്യൂര്‍ സ്‌കൂള്‍ ഒന്നാം സ്ഥാനം

കാഞ്ഞങ്ങാട്: വായനാ വാരാചരണത്തിന്റെ ഭാഗമായി കാന്‍ഫെഡ് സോഷ്യല്‍ ഫോറം കാഞ്ഞങ്ങാട് ജെസീസുമായി സഹകരിച്ച് ഹൈസ്‌ക്കൂള്‍ വിദ്യാര്‍ത്ഥികള്‍ക്കായി ജില്ലാ തലത്തില്‍ ക്വിസ്സ് …