Wednesday , January 16 2019
Breaking News
Harvoust-in-Sivil-Station

കളക്ടറേറ്റിലും ഇനി വിഷരഹിത പച്ചക്കറി

കാസര്‍കോട് : വിഷമയ പച്ചക്കറികളില്‍ നിന്നും മുക്തി നേടാന്‍ കളക്ടറേറ്റ് ജീവനക്കാര്‍ ആരംഭിച്ച ജൈവ പച്ചക്കറികൃഷിയുടെ വിളവെടുപ്പ് ജില്ലാ കളക്ടര്‍ ഡോ. ഡി സജിത്ത് ബാബു നിര്‍വഹിച്ചു. സിവില്‍സ്റ്റേഷനില്‍ 20 സെന്റ് സഥലത്ത് കളക്ടറേറ്റ് സ്റ്റാഫ്കൗണ്‍സിലിന്റെ നേതൃത്വത്തില്‍ രണ്ട് മാസം മുന്‍പ് തുടങ്ങിയ ജൈവ പച്ചക്കറികൃഷിയുടെ വിളവെടുപ്പില്‍ നിരവധിപേരാണ് പങ്കെടുത്തത്.
വെണ്ട, പയര്‍ , പടവലം, കയ്പ്പ, വെള്ളരി, വാഴ, പപ്പായ, കുമ്പളം, ചീര, മുളക്, തക്കാളി, തുടങ്ങിയ വിളകളാണ് കൃഷിചെയ്തത്. ചാണകം, മണ്ണിര കമ്പോസ്റ്റ്, കടലപിണ്ണാക്ക്, ജീവാണു വളമായ ജീവാമൃതം തുടങ്ങിയ ജൈവവളമാണ് കൃഷിക്ക് ഉപയോഗിച്ചത്. കായ്ഫലങ്ങള്‍ക്കുള്ള കീടനാശിനിയായി ഉപയോഗിച്ചത് വേപ്പെണ്ണ, ബാര്‍സോപ്പ് മിശ്രിതം, ഗോമൂത്ര മിശ്രിതം എന്നിവയായിരുന്നു. കൃഷിയുടെ മേല്‍നോട്ടത്തിനായി ഒരു കമ്മിറ്റി രൂപവത്കരിച്ചതിന് പുറമെ കൃഷിയെ പരിപാലിക്കാന്‍ ജീവനക്കാര്‍ ദിവസേന രാവിലെയും വൈകുന്നേരവും ഒഴിവ് ദിനങ്ങളില്‍ പോലും സമയം കണ്ടെത്തി. വിളകള്‍ കളക്ടറേറ്റിലെ ജീവനക്കാര്‍ക്ക് വിറ്റഴിക്കാനാണ് തീരുമാനം.
കൃഷി വകുപ്പിന്റെ 30,000 രൂപ സാമ്പത്തിക സഹായം കൃഷിക്കായി ലഭിച്ചിരുന്നു. കൂടാതെ ചെങ്കള കൃഷിഭവന്‍, പ്രിന്‍സിപ്പല്‍ കൃഷിഓഫീസ്, പെരിയ അഗ്രോ ക്ലിനിക്ക് എന്നിവയുടെ സാങ്കേതിക സഹായവും ലഭിച്ചിരുന്നു.
ചടങ്ങില്‍ അഗ്രികള്‍ച്ചര്‍ ഡെപ്യൂട്ടി ഡയറക്ടര്‍ ജെ.സജിനിമോള്‍,ചെങ്കള കൃഷി ഓഫീസര്‍ ബിന്ധുജോര്‍ജ്, ചെങ്കള കൃഷി അസിസ്റ്റന്റ് കെസി വിജയകുമാരി, സ്റ്റാഫ് കൗണ്‍സില്‍ സെക്രട്ടറി പി. പ്രഭാകരന്‍ തുടങ്ങി നിരവധി ഉദ്യോഗസ്ഥര്‍ പങ്കെടുത്തു.

RANDOM NEWS

-----

പുരപ്പുറ സൗരോര്‍ജ്ജ പദ്ധതിക്ക് ജില്ലയില്‍ മികച്ച പിന്തുണ ; സൗരോര്‍ജ്ജ സെമിനാര്‍ സംഘടിപ്പിച്ചു

കാസര്‍കോട് : ആഗോളതാപനം ലഘൂകരിക്കുന്നതിന്റെ ഭാഗമായി ഊര്‍ജ്ജ സുരക്ഷ ഉറപ്പാക്കാന്‍ ലോകമെമ്പാടും പുനരുപയോഗ ഊര്‍ജ്ജ സ്രോതസുകളില്‍ നിന്നുള്ള വൈദ്യുതി ഉത്പാദനം …