Thursday , December 13 2018
Breaking News
Hiroshima

ഹിരോഷിമ ദിനത്തില്‍ യുദ്ധക്കെടുതികള്‍ വരച്ചു കാട്ടി കുരുന്നുകളുടെ പ്രകടനം

നായമ്മാര്‍മൂല: യുദ്ധത്തിന്റെ ഭയാനക രംഗങ്ങള്‍ കണ്‍മുമ്പില്‍ അവതരിക്കപ്പെട്ടപ്പോള്‍ കുട്ടികള്‍ മുഴുവന്‍ ശ്വാസമടക്കിപ്പിടിച്ചു സാക്ഷികളായി. അമേരിക്ക ജപ്പാനില്‍ വര്‍ഷിച്ച അണുബോംബിന്റെ കെടുതികള്‍ ജനങ്ങള്‍ ഇന്നും അനുഭവിച്ചു കൊണ്ടിരിക്കുന്നതിന്റെ നേര്‍ രേഖ വരച്ചു കാട്ടിയപ്പോള്‍ കുട്ടികള്‍ക്ക് പുതിയൊരു അനുഭവമായി.നായമ്മാര്‍മൂല തന്‍ബീഹുല്‍ ഇസ്ലാം ഹയര്‍ സെക്കണ്ടറി സ്‌കൂളിലെ എല്‍.പി.വിഭാഗത്തിലെ കുരുന്നു വിദ്യാര്‍ത്ഥികളാണ് യുദ്ധ രംഗങ്ങളുടെ ദൃശ്യാവിഷ്‌കാരം മനോഹരമായി അവതരിപ്പിച്ചത്.ഇനിയൊരു യുദ്ധം താങ്ങാന്‍ ലോകത്തിന് കെല്‍പ്പില്ലെന്ന തിരിച്ചറിവ് കുട്ടികള്‍ സ്വായത്തമാക്കി.ലോക ജനതക്ക് സമാധാനത്തിന്റെ സന്ദേശം പകര്‍ന്നു കൊണ്ട് വെള്ളരിപ്രാവുകളും ബലൂണുകളും ആകാശത്തേക്ക് പറന്നുയര്‍ന്നു.നാലാം ക്ലാസ് വിദ്യാര്‍ത്ഥികളായ സയ്യിദ് മുഹമ്മദ് സല്‍മാന്‍,സലിം,സാദത്ത്,മുഹമ്മദ്,കംറാ ഫാത്തിമ,ഫായിസ, ഫഹാദ,മറിയം മുഹമ്മദ് ഇഖ്‌ലാസ് എന്നിവരാണ് യുദ്ധവിരുദ്ധ സന്ദേശങ്ങള്‍ പകര്‍ന്ന ദൃശ്യാവിഷ്‌കാരത്തില്‍ പ്രധാന വേഷമിട്ടത്.ഹിരോഷിമ ദിനത്തിന്റെ ഭാഗമായി ക്വിസ്,സുഡോക്കോ കൊക്ക് നിര്‍മാണം എന്നീ മത്സരങ്ങളും നടത്തി.അധ്യാപകരായ ടി.അഷ്‌റഫ്.എന്‍.എ.ആഷിഫ്,സാബിഖ്,ശോഭന,ഷോളി തോമസ്,സി.അജിത പരിപാടികള്‍ക്ക് നേതൃത്വം നല്‍കി

RANDOM NEWS

Rahul

മുഖ്യമന്ത്രിയാരാകണം? രാഹുലിന്റെ വിളിയെത്തിയത് 7.3 ലക്ഷം പ്രവര്‍ത്തകര്‍ക്ക്

ന്യൂഡല്‍ഹി: കോണ്‍ഗ്രസിന് ഭൂരിപക്ഷം കിട്ടിയ സംസ്ഥാനങ്ങളിലെ മുഖ്യമന്ത്രിമാരെ നിര്‍ണയിക്കാന്‍ ഫോണിലൂടെ വോട്ടെടുപ്പ് നടത്തി രാഹുല്‍ ഗാന്ധി. ജനങ്ങളുടെയും പാര്‍ട്ടി പ്രവര്‍ത്തകരുടെയും …