Wednesday , September 18 2019
Breaking News
Accident

മള്ളങ്കൈയില്‍ കെ.എസ്.ആര്‍.ടി.സി ബസും ടാങ്കര്‍ ലോറിയും കൂട്ടിയിടിച്ച് 30 പേര്‍ക്ക് പരിക്ക്

ബന്തിയോട്: മള്ളങ്കൈ ജനപ്രിയയില്‍ കെ.എസ്.ആര്‍.ടി.സി ബസും ടാങ്കര്‍ ലോറിയും കൂട്ടിയിടിച്ച് ബസ് യാത്രക്കാരായ മുപ്പതോളം പേര്‍ക്ക് പരിക്കേറ്റു. ബാലകൃഷ്ണന്റെ ഭാര്യ നളിനി, കുമ്പള ബദ്രിയ നഗറിലെ റംല, നസിയ, മൊഗ്രാലിലെ റഷീദ്, ആയിഷ, അക്ഷയ്, ശൈലേഷ്, അസ്ഫാന്‍ മംഗലാപുരം, ദുഗ്ഗപ്പ, ബദിയടുക്കയിലെ പ്രഭ, വിജയ്, ടാങ്കര്‍ ലോറിയിലെ ക്ലീനര്‍ കുഞ്ഞപ്പ തുടങ്ങി 30 പേര്‍ക്കാണ് പരിക്കേറ്റത്. ഇവരെ മംഗലാപുരത്തും മറ്റുമായി ആസ്പത്രിയില്‍ പ്രവേശിപ്പിച്ചു. വെള്ളിയാഴ്ച വൈകുന്നേരം ആറുമണിയോടെയാണ് അപകടം. കാസര്‍കോട് ഭാഗത്തേക്ക് പോവുകയായിരുന്ന മലബാര്‍ ബസും മംഗലാപുരത്തേക്ക് പോവുകയായിരുന്ന ടാങ്കര്‍ ലോറിയുമാണ് കൂട്ടിയിടിച്ചത്. അപകടത്തെ തുടര്‍ന്ന് ദേശീയ പാതയില്‍ ഏതാനും സമയം ഗതാഗതം സ്തംഭിച്ചു. പൊലീസെത്തിയാണ് ഗതാഗതം പുനഃസ്ഥാപിച്ചത്.

RANDOM NEWS

Madhyam

കാസര്‍കോട്ടേക്കയച്ച 36 കെയ്സ് മദ്യം കാണാതായി; അന്വേഷണത്തിനൊടുവില്‍ കണ്ണൂരില്‍ കണ്ടെത്തി

കാസര്‍കോട്: പാലക്കാട്ടുനിന്ന് കാസര്‍കോട്ടെ ബിവറേജസ് സംഭരണ ശാലയിലേക്കയച്ച 36 കെയ്സ് മദ്യം കാണാതായി. അന്വേഷണത്തിനൊടുവില്‍ കണ്ണൂരിലെ സംഭരണശാലയില്‍നിന്ന് ഇവ കണ്ടെടുത്തു. …