Friday , July 20 2018
Breaking News
Football

അര്‍ജന്റീനയുടെ തോല്‍വി: കോട്ടയത്ത് യുവാവിനെ കാണാതായി; ആറ്റില്‍ തിരച്ചില്‍ നടത്തുന്നു

കോട്ടയം: ലോകക്പ്പ് ഫുട്‌ബോളില്‍ അര്‍ജന്റീന തോറ്റതില്‍ മനംനൊന്ത് ആത്മഹത്യാക്കുറിപ്പെഴുതിവെച്ച് വീടുവിട്ട യുവാവിന് വേണ്ടി തിരച്ചില്‍ നടത്തുന്നു. കടുത്ത അര്‍ജന്റീന ആരാധകനായ ദിനു അലക്സ് (30)എന്ന യുവാവിനെയാണ് അര്‍ജന്റീന കളി തോറ്റത് മുതല്‍ കാണാതായത്. ഇയാളുടെ മുറിയില്‍ നിന്നും ആത്മഹത്യാ കുറിപ്പ് കണ്ടെത്തിയിട്ടുണ്ട്. അര്‍ജന്റീന കളിയില്‍ തോറ്റതിനാലാണ് വീടു വിട്ടുപോകുന്നതെന്ന് കത്തില്‍ പറയുന്നുണ്ട്.

ദിനുവിനെ കാണാതായതിന് പിന്നാലെ വീട്ടുകാര്‍ പോലീസില്‍ പരാതി നല്‍കുകയായിരുന്നു. പരാതിയുടെ അടിസ്ഥാനത്തില്‍ പോലീസ് വിവിധയിടങ്ങളില്‍ പരിശോധന നടത്തി. വരികയാണ്. ഇതോടൊപ്പം, ഫയര്‍ഫോഴ്സ് മീനച്ചിലാറ്റിലും തിരച്ചില്‍ നടത്തുന്നുണ്ട്. മീന്നച്ചിലാറിനോട് ചേര്‍ന്നു കിടക്കുന്ന അറുമാനൂര്‍ എന്ന സ്ഥലത്താണ് ദിനുവിന്റെ വീട്. അതുകൊണ്ട് തന്നെ പുഴയില്‍ ചാടിയിരിക്കാം എന്ന സംശയത്തെ തുടര്‍ന്നാണ് പുഴയില്‍ തിരച്ചില്‍ നടത്തുന്നത്. ഡോഗ് സ്‌ക്വാഡിനെ ഉപയോഗിച്ച് നടത്തിയ പരിശോധനയില്‍ ഇയാള്‍ പുഴയുടെ ഭാഗത്തേക്ക് പോയതായി കണ്ടെത്തിയിരുന്നു.

RANDOM NEWS

SDPI

എസ്ഡിപിഐ നേതാക്കളെ വിട്ടയച്ചു, ചൊവ്വാഴ്ച ഹര്‍ത്താലില്ല; കരിദിനമായി ആചരിക്കും

കോഴിക്കോട്: നേതാക്കളെ കസ്റ്റഡിയിലെടുത്തതിനെ തുടര്‍ന്ന് ചൊവ്വാഴ്ച പ്രഖ്യാപിച്ച ഹര്‍ത്താല്‍ എസ്ഡിപിഐ പിന്‍വലിച്ചു. നേതാക്കളെ നീരുപാധികം വിട്ടയച്ചതിനാലും ശക്തമായ കാലവര്‍ഷക്കെടുതി പരിഗണിച്ചുമാണ് …