Friday , August 23 2019
Breaking News
Muslim-League

വര്‍ഗീയകലാപം സൃഷ്ടിക്കാനുള്ള ശ്രമം കരുതിയിരിക്കണം -മുസ്ലിം ലീഗ്

കാസര്‍കോട്: സാമുദായിക സംഘര്‍ഷം സൃഷ്ടിച്ച് രാഷ്ട്രീയ മുതലെടുപ്പ് നടത്താനുള്ള നീക്കത്തെ മതേതരവിശ്വാസികള്‍ കരുതിയിരിക്കണമെന്ന് മുസ്ലിം ലീഗ് ജില്ലാ പ്രവര്‍ത്തകസമിതി യോഗം അഭ്യര്‍ഥിച്ചു.
ശബരിമല സ്ത്രീപ്രവേശനവുമായി ബന്ധപ്പെട്ട് നടന്ന ഹര്‍ത്താലിന്റെ മറവില്‍ ഒരുവിഭാഗത്തെ ആക്രമിക്കാനും അവരുടെ കടമുറികളും കെട്ടിടങ്ങളും
തകര്‍ക്കാനുമാണ് മഞ്ചേശ്വരം മണ്ഡലത്തിന്റെ വിവിധ ഭാഗങ്ങളില്‍ ശ്രമിച്ചത്. അക്രമത്തിന് വിധേയരായവരെയും സമാധാനശ്രമം നടത്തിയവരെയും സംരക്ഷിക്കുന്നതിനുപകരം കള്ളക്കേസില്‍ കുടുക്കി ജയിലിലടക്കാനാണ് പോലീസ് ശ്രമിക്കുന്നതെന്നും യോഗം ആരോപിച്ചു.

മുഴുവന്‍ അക്രമസംഭവങ്ങളിലും കുറ്റവാളികളെ പിടികൂടാന്‍ പോലീസ് ശക്തമായ നടപടി സ്വീകരിക്കണമെന്നും അല്ലാത്തപക്ഷം ശക്തമായ പ്രക്ഷോഭപരിപാടികള്‍ സംഘടിപ്പിക്കുമെന്നും യോഗം മുന്നറിയിപ്പ് നല്‍കി.

സംസ്ഥാന സെക്രട്ടറി അബ്ദുള്‍റഹ്മാന്‍ കല്ലായി ഉദ്ഘാടനംചെയ്തു. പ്രസിഡന്റ് എം.സി.ഖമറുദ്ദീന്‍ അധ്യക്ഷനായിരുന്നു. മുസ്ലിം ലീഗ് കാറഡുക്ക പഞ്ചായത്ത് ജനറല്‍ സെക്രട്ടറി സി.എം.അബ്ബാസ് ഹാജിയുടെ മരണത്തില്‍ യോഗം അനുശോചിച്ചു.

RANDOM NEWS

Durga

പാഠം ഒന്ന്: ഉപയോഗിക്കൂ വലിച്ചെറിയാതിരിക്കൂ

കാഞ്ഞങ്ങാട് : അക്ഷരം എന്നാല്‍ ക്ഷരമില്ലാത്തത് അല്ലെങ്കില്‍ നാശമില്ലാത്തത് എന്നാണര്‍ഥം. എന്നാല്‍ എഴുതുന്ന പേന അങ്ങനെ ആകാതിരിക്കാനുള്ള ശ്രമത്തിലാണ് ദുര്‍ഗ …