Wednesday , June 19 2019
Breaking News
prd

ബാലാവകാശം ജില്ലാതല ക്വിസ്മത്സരം നടത്തി

ബാലാവകാശവാരാചരണത്തിന്റെ ഭാഗമായി സംസ്ഥാന ബാലാവകാശസംരക്ഷണ കമ്മീഷനും കാസര്‍കോട് ജില്ലാശിശുസംരക്ഷണയൂണിറ്റും എട്ട് മുതല്‍12 വരെ ക്ലാസുകളില്‍ പഠിക്കുന്ന വിദ്യാര്‍ത്ഥികള്‍ക്കുവേണ്ടിബാലാവകാശ നിയമങ്ങളെ അടിസ്ഥാനമാക്കിസംഘടിപ്പിച്ച ജില്ലാതലക്വിസ്മത്സരത്തില്‍കയ്യൂര്‍ഗവ: വൊക്കേഷണല്‍ഹയര്‍സെക്കന്ററിസ്‌ക്കൂളിലെ ടി വി സൗരവ് ,പി യു അനുരാജ് എന്നിവരടങ്ങുന്ന ടീം ജേതാക്കളായി. ഒന്നാംസ്ഥാനം നേടിയ ടീം സംസ്ഥാനതല മത്സരത്തിലേക്കുള്ള യോഗ്യതാ പരീക്ഷയിലും പങ്കെടുത്തു. ബന്തടുക്ക ഗവ: ഹയര്‍സെക്കന്ററി സ്‌ക്കൂളിലെ പി കെ രാഹുല്‍ , കെ പ്രിയ, ബല്ല ക്രൈസ്റ്റ് സി.എം.ഐ പബ്ലിക്ക് സ്‌ക്കൂളിലെ ബീബിജുഹീന മലിഹ,സൂര്യ ബി എന്നിവര്‍യഥാക്രമം രണ്ടും മൂന്നും സ്ഥാനം നേടി. ക്വിസ്മാസ്റ്ററായി എ ജി ഫൈസല്‍ കുട്ടികളുടെ സംഘചര്‍ച്ചയും നയിച്ചു.
ജില്ലാ ശിശുസംരക്ഷണഓഫീസര്‍ പി ബിജുവിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ ജില്ലാകളക്ടര്‍ ജീവന്‍ ബാബു വിജയികള്‍ക്ക്ക്യാഷ്അവാര്‍ഡും ട്രോഫിയും സമ്മാനിച്ചു. ജില്ലാ ശിശുസംരക്ഷണ യൂണിറ്റിലെ പ്രൊട്ടക്ഷന്‍ ഓഫീസര്‍മാരായ എ ജി ഫൈസല്‍, കെ ഷുഹൈബ്, ചിന്‍മയ വിദ്യാലയ പ്രിന്‍സിപ്പാള്‍ പുഷ്പരാജ്, ഡി.സി.പി. യു കൗണ്‍സിലര്‍ കെ പി അഖില , സോഷ്യല്‍വര്‍ക്കര്‍ ടി കെ രേഷ്മ, പി സന്ധ്യ, പി എസ് ശരത്കുമാര്‍, സി ധന്യ എന്നിവര്‍ നേതൃത്വം നല്‍കി.

RANDOM NEWS

Nileshwram

നീലേശ്വരത്ത് കമ്മ്യൂണിറ്റി ഹാളും തുടര്‍വിദ്യാകേന്ദ്രവും സജ്ജമായി

നീലേശ്വരം നഗരസഭയിലെ കരുവാച്ചേരിയില്‍ കമ്മ്യൂണിറ്റി ഹാളും തുടര്‍വിദ്യാകേന്ദ്രവും സജ്ജമായി. നഗരസഭയുടെ വാര്‍ഷിക പദ്ധതിയിലുള്‍പ്പെടുത്തി 25 ലക്ഷം രൂപ ചെലവഴിച്ചാണ് ഇരുനില …