Friday , May 24 2019
Breaking News
Accident

പള്ളത്തുമൂലയില്‍ കാര്‍ താഴ്ചയിലേക്കു മറിഞ്ഞു; ഒരാള്‍ ഗുരുതരനിലയില്‍

അഡൂര്‍: പള്ളത്തുമൂലയില്‍ കാര്‍ നൂറു അടി താഴ്ചയിലേക്കു മറിഞ്ഞു. ഓടിച്ചിരുന്ന ആള്‍ക്കു ഗുരുതരമായി പരിക്കേറ്റു. കുട്ടി ഉള്‍പ്പെടെ കാറിലുണ്ടായിരുന്ന മറ്റു മൂന്നുപേര്‍ അത്ഭുതകരമായി രക്ഷപ്പെട്ടു. സാരമായി പരിക്കേറ്റ ആദൂരിലെ ഇബ്രാഹിമിനെ മംഗലാപുരം ആശുപത്രിയില്‍ പ്രവേശിപ്പിച്ചു.

വെള്ളിയാഴ്ച സന്ധ്യക്കാണ് അപകടം. ഡ്രൈവിംഗ് പരിശീലിക്കുകയായിരുന്നു ഇബ്രാഹിമെന്നു പറയുന്നു. നിയന്ത്രണം തെറ്റിയ കാര്‍ നൂറടി താഴ്ചയിലുള്ള ജയ്ഹിന്ദ് ടി.വി റിപ്പോര്‍ട്ടര്‍ പുരുഷോത്തമന്റെ വീടിന്റെ അടുക്കള ഭാഗത്തേക്കാണ് മറിഞ്ഞത്. അവിടെനിന്നു താഴെയുള്ള ബയോഗ്യാസ് ടാങ്കിലേക്കു മറിഞ്ഞതിനാല്‍ ദുരന്തം ഒഴിവാകുകയായിരുന്നു. കാര്‍ വീണ് അടുക്കളക്കും സിറ്റൗട്ടിനും കേടുപാടു സംഭവിച്ചു. കാറിലുണ്ടായിരുന്നവരെ വീട്ടുകാരും വിവരമറിഞ്ഞെത്തിയ നാട്ടുകാരും ചേര്‍ന്ന് പുറത്തെടുക്കുകയായിരുന്നു.

RANDOM NEWS

Unnithan

കാസര്‍കോട്ട് അട്ടിമറി വിജയം നേടി രാജ്‌മോഹന്‍ ഉണ്ണിത്താന്‍ ; 41847 വോട്ടുകളുടെ ഭൂരിപക്ഷം

കാസര്‍കോട് : ഉണ്ണിത്താന് അട്ടിമറി ജയം. 41,847 വോട്ടുകള്‍ക്കാണ് എല്‍.ഡി.എഫിലെ കെ.പി. സതീഷ് ചന്ദ്രനെ പരാജയപ്പെടുത്തിയത്. ഉണ്ണിത്താന് 4,73,831 ഉം …