Wednesday , July 17 2019
Breaking News

റെയില്‍വേ സ്റ്റേഷനില്‍ നിന്നും 877 പാക്കറ്റ് പാന്‍മസാല പിടികൂടി

Panmasalaകാഞ്ഞങ്ങാട്: കാഞ്ഞങ്ങാട് റെയില്‍വേ സ്റ്റേഷനില്‍ നിന്നും ചാക്കില്‍കെട്ടിയ നിലയില്‍ 877 പാക്കറ്റ് നിരോധിത പാന്‍മസാലകള്‍ ഹൊസ്ദുര്‍ഗ് പോലീസ് പിടികൂടി.
സംശയാസ്പദമായി സ്റ്റേഷനില്‍ ചാക്കുകെട്ട് കാണപ്പെട്ടതായി ലഭിച്ച വിവരത്തിന്റെ അടിസ്ഥാനത്തില്‍ ഹൊസ്ദുര്‍ഗ് പോലീസ് സ്ഥലത്തെത്തി പരിശോധിച്ചപ്പോഴാണ് വിവിധങ്ങളായ നിരോധിത പാന്‍മസാലകളാണെന്ന് കണ്ടെത്തിയത്. ജില്ലയിലെ വിവിധ ഭാഗങ്ങളിലേക്ക് വിതരണം ചെയ്യാനായി അന്യസംസ്ഥാനങ്ങളില്‍ നിന്നും കടത്തിക്കൊണ്ടുവന്നതാണിതെന്ന് പോലീസ് പറഞ്ഞു. പോലീസ് വരുന്നത് കണ്ട് ചാക്കുകെട്ടിനരികിലായി നില്‍ക്കുകയായിരുന്ന ഒരു യുവാവ് ഓടി രക്ഷപ്പെടുകയും ചെയ്തു.
അന്യസംസ്ഥാനങ്ങളില്‍ നിന്നും വന്‍തോതില്‍ നിരോധിത പാന്‍ ഉല്‍പ്പനങ്ങളാണ് കേരളത്തിലേക്കെത്തുന്നത്. കേരളത്തിലെ അന്യസംസ്ഥാന തൊഴിലാളികളെ ലക്ഷ്യമിട്ടുകൊണ്ടാണ് നിരോധിത പാന്‍മസാല ഉല്‍പ്പനങ്ങള്‍ കടത്തിക്കൊണ്ടുവരുന്നത്.
മംഗലാപുരത്ത് ഉള്‍പ്പെടെ അഞ്ചുരൂപക്ക് ലഭിക്കുന്ന പാന്‍മസാല കേരളത്തിലെത്തിയാല്‍ അമ്പത് രൂപ ലഭിക്കുമെന്നതിനാല്‍ ഇത് കടത്തിക്കൊണ്ടുവരുന്നവരുടെ എണ്ണം നിരവധിയാണ്.

RANDOM NEWS

Sitting

സാങ്കേതികത്വം പറഞ്ഞ് അര്‍ഹര്‍ക്ക് മുന്‍ഗണനാ റേഷന്‍കാര്‍ഡുകള്‍ നിഷേധിക്കരുത്: മനുഷ്യാവകാശ കമ്മീഷന്‍

കാസര്‍കോട് : നിയമങ്ങളുടെ സാങ്കേതികത്വം അടിസ്ഥാനമാക്കി അര്‍ഹരായ ഉപഭോക്താക്കള്‍ക്ക് മുന്‍ഗണനാ റേഷന്‍കാര്‍ഡുകള്‍ നിഷേധിക്കരുതെന്ന് മനുഷ്യാവകാശ കമ്മീഷന്‍ അംഗം കെ മോഹന്‍ …