Saturday , January 29 2022
Breaking News

ജില്ലയില്‍ ഡിജിറ്റല്‍ റീസര്‍വെ; ഉദ്ഘാടനം ജനുവരി 30ന്

കാസര്‍കോട് : സംസ്ഥാനത്തെ മുഴുവന്‍ വില്ലേജുകളിലും ഡിജിറ്റല്‍ റീസര്‍വ്വെ പൂര്‍ത്തീകരിക്കുന്നതിന്റെ ഭാഗമായി ജില്ലയില്‍ ആദ്യഘട്ടത്തില്‍ 18 വില്ലേജുകളില്‍ ഡിജിറ്റല്‍ റീസര്‍വ്വെ നടത്തും. SVAMITVA (Survey of villages and mapping with improvised technology in village areas) പദ്ധതിയുമായി സഹകരിച്ച് റീബില്‍ഡ് കേരളയില്‍ ഉള്‍പ്പെടുത്തിയാണ് റീസര്‍വെ നടത്തുന്നത്. ഡ്രോണ്‍ സര്‍വ്വെ, കോര്‍സ്, ഇ.ടി.എസ്. എന്നിവ ഉപയോഗിച്ച് നടത്തുന്ന റീസര്‍വെയുടെ ജില്ലാതല ഉദ്ഘാടനം ജനുവരി 30ന് കളക്ടറേറ്റ് ഉള്‍പ്പെടുന്ന മുട്ടത്തൊടി വില്ലേജില്‍ നടക്കും.
ഡിജിറ്റല്‍ റീസര്‍വെയുടെ ഭാഗമായി ജില്ലയിലെ സര്‍വ്വെ ജീവനക്കാര്‍ക്ക് ഏകദിന പരിശീലന പരിപാടി സംഘടിപ്പിച്ചു. ജില്ലാ കളക്ടര്‍ ഭണ്ഡാരി സ്വാഗത് രണ്‍വീര്‍ ചന്ദ് ഉദ്ഘാടനം ചെയ്തു. സര്‍വ്വെ ഡെപ്യൂട്ടി ഡയറക്ടര്‍ കെ.കെ. സുനില്‍ അദ്ധ്യക്ഷത വഹിച്ചു. സര്‍വ്വെ ഡയറക്ടര്‍ സീറാം സാംബശിവ റാവു ആമുഖ പ്രഭാഷണം നടത്തി. സര്‍വ്വെ ഓഫ് ഇന്ത്യ ഡയറക്ടര്‍ പി.വി. രാജശേഖര്‍ പദ്ധതി വിശദീകരിച്ചു. സര്‍വ്വെ ഡെപ്യൂട്ടി ഡയറക്ടര്‍മാരായ പുഷ്പ പി.ആര്‍., സതീഷ് കുമാര്‍ പി.എസ്, സലിം എസ്. എന്നിവര്‍ പരിശീലന ക്ലാസ്സ് എടുത്തു.. അസിസ്റ്റന്റ് ഡയറക്ടര്‍ സുനില്‍ ജോസഫ് ഫെര്‍ണാണ്ടസ് സ്വാഗതവും സര്‍വ്വെ സൂപ്രണ്ട് ഗുരുപ്രസാദ് വി. നന്ദിയും പറഞ്ഞു.

RANDOM NEWS

കാസര്‍കോട്ട് മന്ത്രി ദേവര്‍കോവില്‍ ദേശീയപതാക ഉയര്‍ത്തിയത് തലകീഴായി

കാസര്‍കോട് : റിപ്പബ്ലിക് ദിനത്തോടനുബന്ധിച്ച് മന്ത്രി അഹമ്മദ് ദേവര്‍കോവില്‍ കാസര്‍കോട് പതാകി ഉയര്‍ത്തിയത് തലകീഴായി. സല്യൂട്ട് സ്വീകരിച്ച ശേഷമാണ് മന്ത്രിക്ക് …