Friday , August 6 2021
Breaking News

നാടണയാന്‍ അനുവദിക്കാതെ കേന്ദ്ര – കേരള സര്‍ക്കാറുകള്‍ പ്രവാസികളെ ദ്രോഹിക്കുന്നു : ടി ഇ അബ്ദുല്ല

കാസര്‍കോട് : പ്രവാസികളെ നാട്ടില്‍ എത്തിക്കുമെന്ന പറഞ്ഞ സര്‍ക്കാര്‍ ഇപ്പോള്‍ ഓരോ മുടന്തന്‍ ന്യായങ്ങള്‍ പറഞ്ഞു കൂടുതല്‍ വിമാനങ്ങള്‍ ഗള്‍ഫ് മേഖലയില്‍ നിന്നും കേരളത്തിലെ എയര്‍പോര്‍ട്ടില്‍ വന്നിറങ്ങുന്നത് ഒഴിവാക്കണമെന്ന് കേന്ദ്രത്തോട് ആവശ്യപ്പെട്ടുരിക്കുയാണ്. പ്രവാസി ലീഗ് ജില്ലാ കമ്മിറ്റി സംഘടിപ്പിച്ച കലക്ട്രേറ്റ് ധര്‍ണ്ണ ഉദ്ഘാടനം ചെയ്ത് സംസാരിക്കുകയായിരുന്നു ടി.ഇ.അബ്ദുല്ല.

സര്‍ക്കാര്‍ പ്രവാസികളുടെ മടക്കയാത്രക്ക് തടസ്സം നില്‍ക്കുകയാണ്. വിസ കാലാവധി കഴിഞ്ഞവര്‍, ജോലി നഷ്ടപ്പെട്ടവര്‍, തൊഴിലില്ലാതെ താമസത്തിനും ഭക്ഷണത്തിനും ബുദ്ധിമുട്ടുന്നവര്‍, രോഗികള്‍, ഗര്‍ഭിണികള്‍, ചെറിയ വരുമാനക്കാരായ ആളുകള്‍ എന്നിവരെല്ലാം എത്രയും വേഗം നാട്ടില്‍ എത്തിക്കാനുള്ള നടപടികള്‍ സര്‍ക്കാര്‍ സ്വീകരിക്കണം. മരുഭൂമിയില്‍ കഷ്ടപ്പെടുന്ന പാവങ്ങളെ കുറിച്ച് ഒരു ആശങ്കയും സര്‍ക്കാരിനില്ലെന്ന് ടി.ഇ പറഞ്ഞു. പ്രവാസി ലീഗ് ജില്ലാ പ്രസിഡണ്ട് എ.പി ഉമ്മര്‍ അദ്ധ്യക്ഷത വഹിച്ചു.ജനറല്‍ സെക്രട്ടറി ഖാദര്‍ ഹാജി ചെങ്കള സ്വാഗതം പറഞ്ഞു ടി പി കുഞ്ഞബ്ദുല്ല ഹാജി ബി.യു അബ്ദുല്ല സലാം ഹാജി ഗഫുര്‍ തളങ്കര മുഹമ്മദ് ഗസ്സാലി സംബന്ധിച്ചു്.

RANDOM NEWS

ഡിജിറ്റല്‍ ചലഞ്ചിലൂടെ വിദ്യാര്‍ഥികള്‍ക്ക് മൊബൈല്‍ ഫോണുകള്‍ കണ്ടെത്തി അജാനൂര്‍

കാഞ്ഞങ്ങാട് : കോവിഡ് കാലത്ത് പഠനം ഓണ്‍ലൈനായപ്പോള്‍ ഡിജിറ്റല്‍ ചലഞ്ചിലൂടെ സന്നദ്ധ സംഘടനകളുമായി സഹകരിച്ച് വിദ്യാര്‍ത്ഥികള്‍ക്ക് മൊബൈല്‍ ഫോണുകള്‍ വിതരണം …