Monday , May 16 2022
Breaking News

കേരളത്തിലേക്ക് വരില്ല;ഉപദേശം മുഖ്യമന്ത്രി ആവശ്യപ്പെടു​േമ്പാൾ മാത്രം –ഗീത ഗോപിനാഥ്

​തിരുവനന്തപുരം: കേരളത്തിലേക്ക് വരികയോ, സര്‍ക്കാറിന്‍റെ ദൈനംദിന പ്രവര്‍ത്തനങ്ങളില്‍ ഇടപെടുകയോ ചെയ്യില്ലെന്ന്​ മുഖ്യമന്ത്രി പിണറായി വിജയ​െൻറ സാമ്പത്തിക ഉപദേഷ്​ടാവായി നിയമിതയായ ഗീത ഗോപിനാഥ്​. ഹാവാര്‍ഡ് സര്‍വകലാശാലയില്‍ തുടര്‍ന്നുകൊണ്ട് അധ്യാപനവും ഗവേഷണവും തുടരും. പ്രതിഫലം കൂടാതെയാണ് പദവി വഹിക്കുന്നത്. ജോലിയുടെ സ്വഭാവമനുസരിച്ച് സര്‍ക്കാറിന്‍റെ നയങ്ങളെക്കുറിച്ച് മാധ്യമങ്ങളിലൂടെയുള്ള അഭിപ്രായപ്രകടനം ഉദ്ദേശിക്കുന്നില്ലെന്നും ഗീത ഗോപിനാഥ്​ വ്യക്തമാക്കി.

കേരളത്തിലെ സമ്പദ്ഘടനയെ ബാധിക്കുന്ന തരത്തിൽ സംസ്ഥാനത്തും ദേശീയ–അന്തര്‍ദേശീയ തലങ്ങളിലും ഉണ്ടാകുന്ന സംഭവങ്ങള്‍, നയപരമായ തീരുമാനങ്ങള്‍ എന്നിവയെപ്പറ്റിയുള്ള മുഖ്യമന്ത്രിയുടെ ചോദ്യങ്ങള്‍ക്ക് മറുപടി പറയുക. ധനകാര്യം, മാനേജ്മെൻറ്​, തൊഴില്‍, വികസന സാമ്പത്തികശാസ്ത്രം, സംരംഭകത്വം തുടങ്ങിയ മേഖലകളില്‍ ലോകത്തിന്‍റെ പലഭാഗത്തുമുള്ള വിദഗ്​ധരെ സർക്കാർ വകുപ്പുകളുമായി ബന്ധപ്പെടുത്താൻ സഹായിക്കുക എന്നിവയാണ്​ ദൗത്യം. ലോകത്തിന്‍റെ ഏത് കോണിലിരുന്നും ഇവ ചെയ്യും. ഉപദേശം സ്വീകരിക്കാനോ തള്ളിക്കളയാനോ മുഖ്യമന്ത്രിക്കും, താൻ നിര്‍ദ്ദേശിക്കുന്നവരുമായി ബന്ധപ്പെടണോ വേണ്ടയോ എന്ന് തീരുമാനിക്കാന്‍ വകുപ്പുകള്‍ക്കും സ്വാതന്ത്ര്യമുണ്ടെന്നും ഹാവാർഡ്​ സർവകലാശാലയിൽ നിന്ന്​ ഗീത ഗോപിനാഥ്​ പുറപ്പെടുവിച്ച പ്രസ്​താവനയിൽ പറയുന്നു.

മുഖ്യമന്ത്രി പിണറായി വിജയന്‍റെ സാമ്പത്തിക ഉപദേഷ്ടാവായി പ്രവര്‍ത്തിക്കാന്‍ അവസരം കിട്ടിയത്​ അംഗീകാരമായി കരുതുന്നു. കേരളം എ​െൻറ ജന്മനാടാണ്. സംസ്ഥാനത്തിന്‍റെ വികസന സ്വപ്നങ്ങള്‍ സാക്ഷാത്ക്കരിക്കുന്നതിനായി ത​േൻറതായ പങ്കുവഹിക്കാന്‍ ശ്രമിക്കും. മുഖ്യമന്ത്രി പിണറായി വിജയന്‍റെ നേതൃത്വം വികസനത്തിന്‍റെ പുത്തന്‍ അധ്യായം രചിക്കാന്‍ സംസ്ഥാനത്തെ പ്രാപ്തമാക്കും എന്നാണ് പ്രതീക്ഷയെന്നും ഗീത ഗോപിനാഥ് പ്രസ്താവനയില്‍ പറഞ്ഞു.

RANDOM NEWS

സംസ്ഥാനത്ത് 3262 പേര്‍ക്ക് കോവിഡ് ; പരിശോധിച്ചത് 41,753 സാമ്പിളുകള്‍

സംസ്ഥാനത്ത് ഇന്ന് 3262 പേര്‍ക്ക് കോവിഡ്-19 സ്ഥിരീകരിച്ചു തിരുവനന്തപുരം 638, എറണാകുളം 552, കോട്ടയം 314, കൊല്ലം 268, തൃശൂര്‍ …